استفسار عن الإطارات

السلام عليكم..
صباحكم أو مساكم خير وطيب يا أعضاء المنتدى.. ( كل واحد يختار اللي يناسبه):

الموضوع يا جماعة الخير أن صاحبي عند سيارة صني ويبي يغير إطاراتها
ومهو عارف إيش أحسن الأنواع للمقاس اللي عنده اللي هو 15/50/205
وهو متحير ما بين ثلاثة أنواع اللي هم:
Bridgeston Potenza RE760 sport نقشة نص رياضية
أو Yokohama S.Drive نقشة عادي بس يقولون رياضي
أو Toyo T1.R نقشة رياضية
وأتمنى أحد من الأعضاء يحط صور للأنواع لأني ما أعرف أرفق صور
مع العلم أن اليوكوهاما هذا المقاس غير موجود في البحرين فهل نلقاه في الدمام؟
وهل أحد جرب اليوكوهاما هذا النوع لأنه أكثر واحد عاجبنه؟

واللي راكب ألحين على السيارة Toyo T1.S الموديل القديم للتويو المذكور فوق
وهذا النوع في البداية من أحسن مايكون ناعم وهادئ بس بعد فترة من الإستخدام
صار خشن وفيه صوت يمكن لأنه نقشة رياضية!!

والمطلوب منكم تتحددون له أحسن نوع من الأنواع المذكورة من ناحية الهدوء والليونة
على المطبات وعيون القطط وأكون شاكر لكم..

واسفسار ثاني بعد..<<<<مصختها
سمعت أن في السعودية في أماكن لإصلاح الزجاج المكسور فهل هذا صحيح؟
وإذا موجود ممكن تدلوني على مكان في الدمام لأن في البحرين مافي..
لأن ما يسوى أبدل الزجاج كامل على شي بسيط..

تعبت أحس أني كاتب موضوع تعبير وماخذ فيه 2 من 10

ملاحظة: إذا مكان الموضوع غلط أتمنى نقله إلى المكان الصحيح..

ودمتم سالمين..